Cultura en lumnezia

Igl Archiv cultural Lumnezia rimna ed archivescha cudischs, documents, fotografias ed objects dil mintgadi da pli baul, che fan perdetga alla cultura lumneziana dils davos tschentaners. Plinavon vegn era la genealogia da famiglias lumnezianas perscrutada e documentada continuadamein.

Quei grond scazi cultural ei archivaus ed exponius ella casa da scola anteriura ad Uors.

El stat a disposiziun per retschercas culturhistoricas pertuccont la val Lumnezia.

Per engrondir la sevida ed igl inventari digl archiv, ein objects e documents che datan investa en temps passai fetg beinvegni.

Sin giavisch eis ei era pusseivel da schar digitalisar cun aulta qualitad fotografias analogas.

Sche Vus fagesses bugen diever da survetschs digl Archiv cultural Lumnezia, selegrein nus da cunvegnir ad in termin.

Kulturarchiv Lumnezia

Guids culturals

La Val Lumnezia posseda in grond patrimoni cultural. En collaboraziun cul  Museum Regiunal Surselva ed il Surselva Tourismus havein nus elaborau in diember da guidas cun guids culturals scolai. Igl accent principal schai silla cuntrada sacrala, denton era l’architectura moderna profana, sco era la cuntrada culturala e naturala vegnan risguardadas.

dapli informaziuns davart termins e reservaziuns anfleis vus silla Homepage da mira!cultura

mira!cultura

Convivenza

Il project Convivenza – Zusammenleben organisescha occurrenzas culturalas per reunir indigens, immigrai, persunas returnadas, persunas secundaras, persunas che vivan el territori dallas treis vischnauncas Lumnezia, Val S. Pieder e Sursaissa Mundaun. 

Convivenza